• +243810273303
  • info@cmcirdc.org
  • cmci.kauka
Dimanche 22 Septembre 2019.
Visiteurs : 516246
Aujourd'hui : 88
En ligne : 13

Pure CSS / CSS3 News Tickers
Articles en Promotion
QUATRE RAISONS POUR UNE REPENTANCE URGENTE
Trs Important
Articles les plus lus

DELIVRANCE   DELIVRANCE
24/7/2015 @ 22:53


TRES IMPORTANT !!!   TRES IMPORTANT !!!
27/10/2009 @ 14:14


PLAIDOYER POUR LA PETITE MOITIE DU MONDE   PLAIDOYER POUR LA PETITE MOITIE DU MONDE
14/9/2017 @ 7:04


OKOLEKISA  EKEKE  WAPI ?   OKOLEKISA EKEKE WAPI ?
9/9/2014 @ 12:33


La qualification pour être utile à Dieu pour le  salut des autres à l   La qualification pour être utile à Dieu pour le salut des autres à l'exemple de Moïse
17/8/2015 @ 19:47

Vidéo-ExclusivitéL'Evangile par l'Internet

Jésus sauve aujourd'hui!

OKOLEKISA EKEKE WAPI ?

Ntango ezali koleka mbangu!
Soki ozali na mibu ntuku motoba, okokokaka kobika lisusu mibu zomi na mitano!
Soki ozali na mibu ntuku mitano, mbala mosusu etikali na yo mibu ntuku mibale na mitano!
Soki ozali na mibu ntuku minei, ekokokaka kotikala na yo lisusu mibu ntuku misato na mitano!
Soki ozali na mibu ntuku mibale na mitano, ekokokaka kotikala na yo lisusu mibu ntuku mitano!
Soki ozali na mibu zomi na mitano, ekokokaka kotikala na yo lisusu mibu ntuku motoba!

Mituya oyo ezali kolakisa lokola okoumela na nse mibu ntuku sambo na mitano. Ezali na makambo mibale ya koloba likolo na nyonso. Ya liboso ndanga moko te ezali kolakisa ete okoumela koleka mbula nyonso totangi. Okokokaka pe kokufa liboso ya ngonga wana. Soki osila kokendaka na kunda omonaka malita ya bato ya lolenge nyonso ya bambula : sanza moko, mbula moko, mbula mitano, mbula zomi na mitano, mbula ntuku mibale, ntuku misato, ntuku mitano, ntuku motoba pe bongo na bongo. Soki otalaka na bokebi koleka nde omonaka ete ezalaki na lilita oyo ezali na bato bakufaka na mbula oyo ozali nango sik'oyo. Bongo, ozali elenge makasi koleka te mpona kokufa. Liwa ekoki koya na mbalakata. Osengeli na likebisi te mosusu koleka oyo wana.

Okebisama. Ata ko ozali na nzoto kolongono,ezali na makambo mingi ekoki komema na liwa ya mbalakata. Likama ya pepo, likama ya motuka, ngenge, kokweya, bongo na bongo ekoki komema bomoi na suka ndenge ya mbalakata. Yango wana ezala bolenge na yo to mpe bokolongono na yo na nzoto ezali na tina te. Liwa ya mbalakata ekoki kobeta yo ata ozali kaka na bambula zomi na mitano.

Ezali na eloko mosusu ya kobakisa - Kanisa moke. Ezali na bokono songolo na kati ya nzoto na yo te? Ekoki kozala bokono ya motema, ya pulupulu to ya nzela ya masuba. Mbala mosusu osili kozua bokono ya CANCER to mpe bokono oyo ekomema na liwa mpe ozali komona naino bilembo te. Moko ya bokono ozali na yango oyo oyebi to mpe oyebi te, ekoki komata mbangu mpe koboma yo nsima ya mikolo mikuse to mpe ngonga muke. Kala mingi te okokoka kokota na ekeke. Yango ekoki kokoma liboso ya ngonga oyo ozali kokanisa.

Ya mibale, ata soki oyebi ete okozala na bomoi tii mibu ntuku sambo na mitano, otikala lisusu na mibu boni? Ntango ezali koleka mbangu. Ata ko mpona yo etikali mbula ntuku mitanu, mibu yango ekoki koleka noki noki. Mibu otikali na yango ezali ebele te lelo na ndenge ezalaki lobi, mpe lobi ekozala lisusu mingi te. Miniti moko na moko ezali koleka ezali kopusa ya pene ya liwa. Ozali mowei! Obanda kokufa mokolo oyo obotamaki.
Biblia elobi : " Bomoi na bino ezali nini? Bozali bobele londende, komonana nwa ntango moke na nsima kolimwa "(Yakobo 4:14). Esengeli obondela na moyembi boye :
" E Yawe, yebisa ngai nsuka na ngai, motuya na mikolo na ngai lokola yango ezali, mpe nakososola ete nazali na bolembu. Tala, obongisi mikolo na ngai lokola monene na matandu, ntango na ngai na kobika ezali eloko liboso na Yo te. Solo bato yonso baoyo bazali kotema likolo, bazali mpamba " (Nzembo 39 : 4-5).



KUFA EKOZALA SUKA TE

Soki bomoi ezalaka mokuse mpe ntina te, mpe liwa suka ya nyonso, mbele ntina yakomitungisa mingi ezali te. Likambo ezali awa nde ete liwa ya nzoto ezali suka te. Liwa ezali ebandeli, ekuke ya kokota na bomoi mosusu. Biblia elobi : " Mpe pelamoko ebongi na bato ete bakufa mbala moko mpe nsima ekateli ekoya," (Baebele 9:27); " Namoni mpe bakufi, minene na mike, batelemi na liboso na kiti na bokonzi, mpe buku efungolami, mpe buku mosusu efungolami, oyo buku na bomoi. Bakufi basambisami na makambo masili kokomama na buku yango, na motindo na misala na bango. Mayi monene ezongisi bakufi na kati na yango : kufa na Ewelo ezongisi bakufi na kati na yango. Basambisami moto na motindo na misala na ye, moto na motindo na misala na ye " (Emoniseli 20 : 12-13).
Liwa ekozala ebandeli ya ekeke. Okokoba kozala na bomoi mbula nkoto na bankoto nsima ya liwa na yo. Okoki na yo koboya kondima bomoi nsima ya liwa; kasi ntango okokoma kuna, okozala mondimi ya solo ya bomoi nsima ya liwa; kasi ntango ekosila koleka mpona kosala eloko moko likolo na yango.



BISIKA YA SUKA MIBALE EZALI KOZELA YO NSIMA YA LIWA

Bato nyonso bakolekisa ekeke na kati ya bisika mibale. Bakozala na kati ya liziba ya moto, to na lola. Na oyo etali liziba ya moto, Biblia elobi : " Nde mpona bagoigoi, na bato na ntembe, na bato babebi na bosoto, na babomi na bato, na bato na pite, na bato na soloka, na basambeli na bikeko, na bato na lokuta yonso, likabo na bango ekojala kati na liziba likopelaka na moto na sufulu, oyo ejali kufa na mibale " (Emoniseli 21:8). Baoyo bakokende na liziba ya moto bakotikala kuna libela. Satana akozala nkolo mpe mokonzi na lifelo. Baoyo bazali kosalela ye na lolenge songolo sik'oyo bakozala na ye na lifelo elongo mpona libela. Biblia elobi : " Mpe Satana azalaki kokosa bango mpo bakweya na masumu abwakami na liziba ya moto mpe ya sufulu kuna nyama mpe basakoli ya lokuta bakoyokisama mpasi butu na moi libela na libela " (Emoniseli 20 :10). Biblia ebakisi : " Na nsima kufa na Ewelo ebwakami kati na liziba na moto. Liziba na moto oyo ezali kufa na mibale. Soko ezuami ete moto akomami na buku na bomoi te abwakami na liziba na moto " (Emoniseli 20 : 14-15).

Bato nyonso bakokende na liziba ya moto te. Misusu bakokende na lola. Biblia elobi boye mpona lola : " Eloko moko elakami mabe ekojala lisusu te. Kiti na bokonzi na Nzambe mpe na Mwana na Mpate ekozala kati na yango, mpe baumbu na ye bakosalele Ye, bakomona elongi na Ye, Nkombo na Ye ekozala na bilongi na bango. Butu ekozala lisusu te. Bakozala mpe na bosenga na kongenga na mwinda te, soko na moi te, mpo ete Nkolo Nzambe Akongengela bango, mpe bakozala bakonzi libela na libela " (Emoniseli 22: 3-5). " Tala efandelo na Nzambe ezali na batu esika moko. Akofanda na bango esika moko, mpe bango bakozala batu na ye, mpe Nzambe Ye Moko Akozala na bango elongo. Akolongola mpinzoli yonso na miso na bango, mpe kufa ekozala lisusu te, na mawa, na kolela, na mpasi, lisusu mpe te; mpo makambo na liboso masili koleka " (Emoniseli 21 : 3-4). Baye bakokende na lola bakofanda esika moko na Nzambe mpe Yesu bikeke na bikeke. Ekozala kitoko koleka!



OKOKI KOKOMA MOKO YA BAOYO BAKOKENDE SOLO NA LOLA

Baoyo bakokende na liziba ya moto bakobenga bango : basalaki masumu; kasi baboyaki kondima to koyambola solo solo masumu na bango, batikaki masumu na bango nyonso te, bamipesaki mobimba na bango na YESU te, Ye oyo akufaki na ekulusu mpona kobikisa bango na lifelo mpe balandi ye na bomoi na bango mobimba na nse te.
Bakozala na lifelo mpo baboyaki na nko to na malembe bosenga ya Nzambe ya kobikisa bango na lifelo na nzela ya kufa mpe nsekwa ya Mokonzi YESU-KLISTO bakozala na lifelo na ndenge ya kopona na bango ya mabe.

Baoyo bakozala na lola bakobenga bango : basalaka masumu; kasi bandimaki to baboyaki masumu na bango libela libela batikaki nzela mabe bazalaki kolanda mpe bamipesaki mobimba na bango na Mokonzi YESU-KLISTO oyo akufaki na ekulusu mpona bango mpe bayambi Ye na mitema na bango lokola Mobikisi mpe Nkolo mpe batamboli kati na kotosa YESU bomoi na bango mobimba : okoki kokoma lokola bango sasaipi soki oponi epai ya malamu.



NDENGE NINI OKOKI KOYAMBA YESU - KLISTO

Yesu alingi kolimbisa yo sasaipi mpenza. Alingi Akoma nkombo na yo na buku ya bomoi sik'oyo. Alingi yo mpe Alakisaki bolingo na Ye mpona yo na kokufaka na ekulusu na esika na yo. Ezali na makambo minei oyo osengeli kokanisa na mozindo to komanyola mpe kosala soki olingi kokende na lola. Nakolakisa yo yango na mokuse na bilembo ya makomi T,N,K,B

TATOLA ete ozali mosumuki. Loba na Nzambe ete osali masumu yo moko, na makanisi na yo, na maloba na yo mpe na misala na yo. Lobela ye ete yo moko nde omemi mikumba ya masumu na yo nyonso. Yambola epai na Nzambe masumu nyonso osali, oyo ezali koyela yo na makanisi. Yambola masumu na yo epai na Nzambe na kotangaka lisumu moko nsima na mosusu. Tika masumu nyonso oyamboli mpe banzela nyonso ya mabe. Zwa mokano ya kotika bomoi ya masumu libela. Nzambe akoki kolimbisa yo kaka soki, na lisungi na Ye, ozwi mokano ya kotika masumu nyonso mpe nzela nyonso ya masumu.

NDIMA ete YESU - KLISTO akufaki na ekulusu na esika na yo. Nakondima boye, ozali kobwaka mayele nyonso ya mokili oyo ezali kolakisa ete moto akoki kotika nzela na YESU - KLISTO mpe ye moko ayokani na Nzambe mpe akei lola. Soki ondimi ya solo ete YESU azali nzela se moko oyo Nzambe apesaki na bato mpona kokota lola wana nde olingi oyamba Ye na kati ya motema na yo mpe na bomoi na yo. Osengeli mpe kosala yango sasaipi mpona kolekisa lisusu ntango te.

KANISA nkokoso ya kolanda Ye : YESU akosenga ete olinga Ye mpe otosa Ye na makambo nyonso mpe libela na libela elingi koloba ntango nyonso. Ntango na ntango esika masengeli na YESU makokesena na mposa na yo, to masengeli ya moto mosusu to mpe batu misusu, esengeli otosa Yesu atako ezala ndenge nini. Omilengeli mpo ete mikolo nyonso otikaka masengeli na yo mpona kokokisaka masengeli na YESU? Omilengeli mpo ete omitikaka mpe Ye Moko akambaka yo na banzela nyonso? Omilengeli mpona koniokwama mpona ye to mpe kokufa soki esengeli? Soki omilengeli mpona kolanda Ye ata ndenge nini, na yango sasaipi, osengeli osala eloko moko.

BENGA YESU Akota na bomoi na yo lokola Nkolo na yo mpe Mobikisi na yo. Okoki koyamba Ye na kobondela boye :

" Nkolo YESU, nazali mosumuki ya mawa. Nayamboleli Yo masumu na ngai mpe natiki yango nyonso. Nandimi na motema na ngai mobimba ete okufelaki ngai na ekulusu. Kota sasaipi na motema na ngai mpe zala na bonsomi nyonso ya kokamba ngai na nzela na Yo nyonso. Koma nkombo na ngai na kati ya buku ya bomoi mpo ete nakufa lisusu mokolo moko te mpe naya nde mpona kozala mokolo moko na lola elongo na Yo. Sala yango sasaipi kaka Nkolo ". Amen.

Soki oyambi Nkolo YESU na kosambelaka solo solo kolandisama na libondeli oyo tokomi, na yango Akoti na bomoi na yo mpe Akomi nkombo na yo na buku ya bomoi mpe okokufa mokolo moko te. Landa Ye ntango nyonso ata na mpasi to na bisengo mpe koma to benga na bisika oyo tokomi na nse mpona kozwa lisungi. Tika Nzambe apambola yo na ndenge ya kofuluka.


Nazali moninga na yo, mosungi na yo ya molimo.


Prof. Zacharias TANEE FOMUM


NB : EPEKISAMI KOYIKINYA
EKOMAMI MPE EKABOLAMI NA CHRISTIAN PUBLISHING HOUSE B.P. 71OO YAOUNDE-CAMEROUN
CHRISTIAN PUBLISHING HOUSE EZALI DEPARTEMENT Y'EDITION
YA COMMUNAUTE MISSIONNAIRE CHRETIENNE INTERNATIONALE
REPRESENTATION RDC : TEL. : +243816875148

OKOLEKISA EKEKE WAPI ?

- Rubrique : Evangile - Recommander cet article à un ami!

Article le plus lu

QUATRE RAISONS POUR UNE REPENTANCE URGENTE

Il est triste de constater qu’un christianisme sans repentance se répande rapidement dans nos rues et dans des “églises”, produisant des fils de la géhenne et empêchant ceux qui veulent entrer véritablement dans le royaume de Dieu d’y entrer.

Publicité

PUBLICIT
Aide spirituelle

Chat avec le Pasteur

E-mail :

Mot de passe :

S'Enregistrer
Mot de passe oublié

QUEL NOËL SANS JESUS ?   QUEL NOËL SANS JESUS ?
24/12/2018 @ 22:22


LE SEIGNEUR JESUS EN PRIERE   LE SEIGNEUR JESUS EN PRIERE
8/6/2019 @ 22:33


DELIVRANCE   DELIVRANCE
24/7/2015 @ 22:53


Programme de Lecture Biblique 4/4   Programme de Lecture Biblique 4/4
9/9/2014 @ 13:15


UNE BONNE FONDATION (A Good Foundation)   UNE BONNE FONDATION (A Good Foundation)
3/3/2015 @ 19:46


PLAIDOYER POUR LA PETITE MOITIE DU MONDE   PLAIDOYER POUR LA PETITE MOITIE DU MONDE
14/9/2017 @ 7:04


Newsletter

E-mail :
Galérie Photos

Consulter

Livre d'Or

Signer ou Consulter

Forum

Contribuer ou Consulter

Vote

Dans quel domaine de ma vie le Seigneur peut-il m'utiliser pour servir sa cause auprès des enfants?
Accueil ?
Club?
Education?
Aide sociale?
Lutte contre l'avortement?
Aide aux parents ?
Prière
Evangile
Finances
N'importe
Tous
Aucun